نكت بايخة

بمناسبة البواخة اللى ماشية فى البلد اليومين دول اليكم بعض النكت البايخة :

مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته.

رقد الرجل على فراشة يغالب الغيبوبةوكلما افاق وجد زوجتة بجوارة فامسك بيدها قائلا: لما اترفدت وقفتى معايا، ولما شركتى فلست كنتى جنبى، ولما بيتنا اتحرق كنتى جنبى ، ودلوقتى انتى برضة جنبى ، مش عارف لية انا حاسس انك نحس

-مره كل ستات الارض اتجمعو واتفقو علي حاجه هي ان مفيش ولا واحده فيهم هتعمل اي حاجه في شغل البيت لمده اسبوع ، فات الاسبوع وعملو اجتماع تاني قالت الست الفرنسيه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأ هو بيعمل شغل البيت قالت الست الهنديه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه تالت يوم بدأ يخرجنا بره البيت وناكل بره علشان مش نبهدل البيت قالت الست المصريه : انا قلت لجوزي مش هعمل اي حاجه في شغل البيت لمده اسبوع , اول يوم مشفتش حاجه , تاني يوم مشفتش حاجه , تالت يوم بدأت اشوف شويه بعيني الشمال

13-واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون ..!!"

مره واحد بلدياتنا ضاعت محفظته راح القسم عمل محضر الظابط بيقولوا ماتقلقش يابلدينا هنجبهالك من تحت الأرض وبعد ما خرج من القسم شاف الناس بيحفروا للخط بتاع المترو راح قايلهم الهمة يارجالة سودة وبسوستة

اربعه بلدياتنا بيلعبو علي الطريق السريع الي العربيه تخبطه مرتين يطلع بره

واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمسميه... بلدياتنا مكدبش خبر... وأول ما الدنيا ليلت راح للسرير وبدا يعد .. واحد .. اثنين .. ولما وصـل الى ميه وتسعة وتسعين ... جـاه النوم … قـام غـسـل وشه ورجــع للـسـريـر يـكـمـل الـعـد

واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"

-اتنين فرافير عايزين يشتغلوا فلاحين فراحوا لفلاح يشغلهم قالهم:عاوزكوا تخلعوا ال3فدادين القصب دول..قالوله حاضر يا أونكل..رجعوله آخر النهار تعبانين وهدومهم مقطعة وبيجيبوا دم قالهم:إيه ؟خلصتوا قد إيه؟؟...قالوله لخلعنا عود وهنيجي نشتاله بكره...


نكتة الختام:
10-واحد صعيدي قرر القيام بعملية فدائية فقام الإخوة الفلسطينيين بتجهيز المتفجرات اللازمة ولفوها حول وسط الصعيدي وسهلوا له عملية دخول إسرائيل وأعطوه تليفون محمول ليكون على اتصال دائم بهم
الصعيدي:ألو أنا في وسط 2 يهود أموت نفسي؟
القيادات الفلسطينية: لا استنى شوية..
الصعيدي بعد مدة : أنا في وسط 10 يهود أموت نفسي؟؟
القيادات الفلسطينية :لا استنى شوية..
الصعيدي تاني: ألو.. أنا وسط 100 يهود أموت نفسي؟؟؟
القيادات الفلسطينية: أيوة..أيوة بسرعة يا بطل!!!
راح الصعيدي ضارب نفسه بسكينة....

لو لو لو كان فى حد ضحك دة مش ذنبى انا قلت انها باااااااااايخة ..... الى اللقاء بااااااااى

لا مش بايخه
انا ضحكت علي كام واحده كده

انتى عارفة انى مش بضحك على النكت فما بالك بقى لو كانت بايخة
بس حلوة على فكرة لو اى حد بيضحك اصلا على النكت يبقى ممكن يضحك من البواخة دى
بس ايه المووووود الجامد ده بس يا دودو؟؟؟؟؟؟؟؟؟؟؟؟؟؟؟ وحشتيييييييييينى

انتو عارفين انا اكتر حاجة تتضحكنى النكت البايخة دى حلوين اوىىىىىىىىىىى وعايزين تانى