أزاى تنرفز البنات

سلامو عليكوووووووووووووو

عاملين ايه يا رجاله ؟ الحمد لله كله تمام اكتر انجاز الواحد ممكن يحققوا ف حياته انه ينرفز بنت وزى مانتوا عارفين المقوله الشهيرة اللى بتقول طالما فى بنات رخمه يبقى الدنيا هتبقى على طول زحمه
النهارده كنت عاوز اخنق شويه بنات طبعا البنت من دول حاطه اعصابها ف تلاجه والتلاجه مرميه ف مثلث برمودا بس لعل وعسى يمكن تضايق

1-اديها سى دى فاضى وقولها انا جايبلك حته سى دى هايله ملهاش حل ولما تروح تفتحها وتلاقيها فاضيه قولها ممكن تعمليلى نسخه

2- رن عليها رنه صغيرة اوى -تفه يعنى- ولو هى كان عندها دم واتصلت بيك اوعى ترد عليها ولو كلمتك ف الموضوع ده قولها معلش يا حبيبتى كنت بجرب الشبكه

3- وانتوا بقى بتعدوا الشارع عدى معاها لحد نص الطريق وخليها هى تكمل وارجع اكنك يعنى بتربط الكوتشى بس خلى بالك لو عربيه شاططك انا مليش دعوة
4- لما بقى تليفونك يرن وواحد صحبك بيكلمك مثلا اعمل نفسك بتكلم بنت واقعد اضحك وهزر وعيش حياتك ولا اكنها موجوده اصلا ولما تسالك كنت بتكلم مين قولها واحد صاحبى ووريها التليفون

5-يا سلام بقى لو انت عازمها ف مكان حلو وقبل ما تطلبوا اى حاجه تقولها :يانهار ابيض دا انا راكن غلط ثوانى وجاى يا روحى مش هتأخر وتقعدلك بتاع ربع ساعه وترجع تانى وتقولها :معلش يا عيونى اصل كان فى بنت تحفه برة اااا قصدى كان فى حته حفرة برة

6- الغلطه المطبعيه: اغلط ف اسمها وانت بتكلمها يا سلااااااااااااااااااااام هتلاقيها بقت كتلة نار جايه من جنوب افريقيا