سعات بنحس ان الحياه غيامه ونشوف الدنيا بعين اليأس ..بنقتل الامل والاراده جوانا.
سعات تمر الايام علينا ونحس ان احنا خلاص وصالنا لاخر الزمن..نعيش وكأننا مش عايشين.
سعات نعد الدقايق ونستني قطر الرحيل ..ويضيع مننا احلي ايام عمرنا
سعات بنخاف من بكره ونحس ان بكره صعب ومر ..ونعيش الحياه في سجن الخوف
ليه بنخاف من بكرة؟
ليه بنستسلم للاحزان؟
ليه حاسين اخر الزمن؟
ليه نقتل ارادتنا وامالنا؟
ليه حاسين ان جناحنا مكسور؟
لكن نقدر نوقف عجله الزمن ودقايق الحياه ونعيد حسابتنا من جديد هنلاقي ان كل حسابتنا كانت غلط؟
هنلاقي ان الحياه ورده لكن فيها اشواك لازم نمسكها بحرص ونشوف جمالها وريحتها الجميله وننسي اشواكها؟
اكيد نقدر نقتل جوانا الخوف والحزن بالبسمه والامل
اكيد نقدر نعيش حياه مليانه امل وشوق لبكره الجميل
اكيد هنعرف سكتنا وهنعيد حسابتنا فكل لحظه
اكيد لازم نعيش اجمل ايام....
ليه بنخاف من بكره وليه....جوا قلوبنا الخوف بيعيش
ليه القلب الحزن ماليه...لكن الفرح خلاص مفيش
نياس ليه ونعيش في غيامه...انوار الدنيا ليه نطفيها
حاطين الحزن بجد علامه....والافراح بنقتل فيها
لكن لازم تظهر بسمتنا....والافراح تملا الايام
والاحزان الي تموتنا....نقتلها بأجمل احلام
نعيش ايامنا بكل سعاده....وننورها بشمس امالنا
والافراح تصبح ب زياده....والزمن الطيب جايلنا
........................