قرب منا

موضوع: قرب منا الأحد مارس 15, 2009 1:46 am

بقلم:عبده همبكه

قرب منا
...........
لو حسيت أنك وحيد...لوحسيت بظلم زمانك
قرب منا ومد الأيد...واحنا هننسيك أحزانك
ايوالله هننسيك

ومعانا الاحلام حققها
هنسابق الدنيا ونسبقها
هنحب حياتنا ونعشقها
وهنعلا وهنعليك

هنلف بلاد ونعديها
وهنبني قصور ونعليها
فرحه ايامنا هنبنيها
وانت هتبني معانا باديك

شمس أمالنا علينا طالا
عيش أمالك عيشها ياللا
بكره هتحققها والله
هتلاقيها جايه عليك

قرب لينا وضمنا
وعيش حياتنا وحلمنا
دي البسمه موجوده عندنا
هتحلي ليالينا ولياليك

مد أيدك مع أدينا
نمسح الدمعه الحزينه
ونرجع تاني لمراسينا
وعلي مراسينا هنرسيك

موضوع: رد: قرب منا الإثنين أكتوبر 19, 2009 3:29 pm

ربنا يقدرك يا عبد الرحمن وتقدر تنسيني ولو 1% من اللي انا حاسة بية

موضوع: رد: قرب منا السبت فبراير 06, 2010 5:08 pm

هتنسي اي حاجه طول مجواكي عاوزه تنسي..
اي واحد بيجيلوا فترة بيتعب وييأس ويضعف.بيحس ان كل شيء راح.لكن برده اي واحد يقدريكمل حياته ويقوي نفسه بنفسه وبالامل والاحلام والصبر..
لكن اجمل حاجه انك تحب الناس لان الناس والتعامل مع الناس هو الي بينسي الواحد اي حاجه تضايقه..
شكراااااااااا

موضوع: رد: قرب منا الإثنين فبراير 08, 2010 3:32 pm

واللهي إللي عايز ينسي بينسى ولو مش عارف دي بتبقا حاجة جواه ،،مش ضروري أنو يكسب عطف إللي حواليه وكده عشان ينسى ،، هو ممكن ينسي مع نفسو مش لازم مساعدة صديق يعني
و حلوة أن ((( اي واحد بيجيلوا فترة بيتعب وييأس ويضعف.بيحس ان كل شيء راح )))
بس بقا لما الفترة دي تطول بيحس أنو هو نفسو إللي راح مش كل شئ وبس ،،

موضوع: رد: قرب منا الثلاثاء فبراير 09, 2010 2:52 am

بالعكس د لوكسب عطف الناس هيبقي اقوي ويقدر ينسي..
لانه هيحس ان في ناس يامه بيحبوه وخايفين عليه..
ولو الانسان شاف اي شيء هو متخيله مستحيل يبقه غلطان لان المستحيل هو المستحيل نفسه؟؟
طول منا انسان اقدر اعمل اي حاااااااجه ومعرفش المستحيل.
شكرااااا

موضوع: رد: قرب منا الثلاثاء فبراير 09, 2010 6:34 am

والله أنا شايفة عكسك خالص يا همبكة،،
وأي شئ هو متخيله : دا خيال وأنت قلت أهو ،،مجرد أحلام يعني
هو لازم يعرف أنو مستحيل تحقيقه لأنه خياااااااااااااال ،،أحلاااااااااااااااام بدل ما يفوق من حلمه دا على مستحيل أكبر،،