بقلم:عبده همبكه
ضم عيوني
................
ضم عيوني يا اول حب .. خدني بعيد ويا الاحلام
سبني أعيش ويدق القلب .. سبني اعيشأجمل ايام
قلبي حبك من غير ذنب .. حب حقيقي مش أوهام
ضم عيوني باحلي شعور .. قرب ليا وعيش ويايا
قلبي فحبك شاف النور .. عاش وياك ف أحلي حكايه
غرق فحبك عدا بحور .. غرق وساب حبك معايا؟؟
ضم عيوني يا أحلي عيون .. رمش عيونك خلاني
شايف حبك مالي الكون .. قاتل جرحي وأحزاني
دكل شيء ف الدنيا يهون .. بس ضمني من تاني
ضم عيوني وقلبي شاريك .. بايع كل الكون علشانك
غرق خلاص ف بحور عنيك .. بيعوم ويوصل لمكانك؟
ضم عيوني الله يخليك .. وانسي الدنيا وأحزانك